Rate limit

GovPay channel-api нь API key тус бүрд хүсэлтийн тоог Redis дээр тоолж хязгаарладаг. Хязгаар нь гулсах цонхоор (sliding window) ажиллах ба гурван түвшинд зэрэг хэрэгжинэ.

Хязгаарууд

Гурван хязгаарын аль нэг нь хэтэрвэл хүсэлт 429 Too Many Requests буцаана. Тооцоо API key бүрд тусдаа явагдах тул өөр key-ууд бие биедээ нөлөөлөхгүй.

429 нь зөвхөн rate limit-ийн алдаа. Бусад кодыг Алдааны кодууд хуудаснаас үзнэ үү.

429 хариу

{
  "statusCode": 429,
  "message": "Too Many Requests"
}

429-д хэрхэн зохицох

1. Backoff + дахин оролдох

429 ирвэл шууд дахин бүү дуудаарай. Хүлээх хугацааг экспоненциалаар нэмэгдүүлж (жишээ нь 1с → 2с → 4с → 8с), дээр нь бага зэрэг санамсаргүй jitter нэмж дахин оролдоно. Энэ нь олон хүсэлт нэгэн зэрэг дахин дуудагдаж дахин 429 авахаас сэргийлнэ.

async function callWithRetry(fn, maxRetries = 5) {
  for (let attempt = 0; attempt <= maxRetries; attempt++) {
    const res = await fn();
    if (res.status !== 429) return res;

    // Экспоненциал backoff + jitter
    const base = 2 ** attempt * 1000; // 1с, 2с, 4с, 8с...
    const jitter = Math.random() * 500;
    await new Promise((r) => setTimeout(r, base + jitter));
  }
  throw new Error("Rate limit: дахин оролдлого дууссан");
}

2. Хүсэлтээ тараах (throttle)

Та секундэд 5-аас илүү хүсэлт дамжуулахгүй байхаар клиент талдаа queue эсвэл throttle тавьвал 429-д огт хүрэхгүй. Багц боловсруулалт (жишээ нь олон нэхэмжлэл шалгах) хийж байгаа бол хүсэлтүүдийн хооронд жижиг хүлээлт тавьж жигд тараана.

3. Кэш ашиглах

Аль болох дотоод систем рүүгээ дуудалт цөөлнө:

• Нэг нэхэмжлэлийг ойр давтан шалгах бол төрийн системээс шинээр татах GET /invoices/{id}/refresh-ийн оронд DB cache-аас уншдаг GET /invoices/{id}-г сонгоно.
• Аль болох өөрийн талд кэшлэх боломжтой хариунуудыг (нэхэмжлэлийн мэдээлэл, статус) дахин дахин бүү татаарай.

4. Polling-ийн оронд webhook

Төлбөрийн статусыг секунд тутам GET /payments/{id}-аар асуухын оронд Webhook бүртгэвэл payment.submitted / payment.confirmed event-ийг GovPay өөрөө таныруу түлхэнэ. Энэ нь polling-ийн ачааллыг бараг бүрэн арилгаж rate limit-д хүрэх эрсдэлийг бууруулна.

Хязгаараа нэмэгдүүлэх

Хэрэв таны бодит ачаалал эдгээр хязгаараас тогтмол давдаг бол GovPay-тэй холбогдоно уу. Бид таны хэрэглээний загвар (хүсэлтийн төрөл, оргил ачаалал)-д тулгуурлан key-ийн хязгаарыг тохируулна. Хүсэлт гаргахдаа дараахыг бэлдээрэй:

• Аль endpoint-ууд хамгийн их ачаалалтай вэ
• Хүлээгдэж буй секунд/минут/цагийн оргил хүсэлтийн тоо
• Багц боловсруулалт эсвэл бодит цагийн урсгал эсэх